Sinamot Masa Dulu, Sekarang dan Akan Datang

Posted: July 27, 2009 in Diskusi, Paradaton-Upacara Adat, Pernikahan, Serba-Serbi Milist
Tags: , , , , , , ,

http://groups.yahoo.com/group/Batak_Gaul/message/80442

pandanganOleh: Libranton SIHOTANG <libranton.sihotang@xxx>

Santabi ma dihita saluhutna amang raja dohot inang soripada, mangkatai mahita taringot tu sinamot.

Alai parjolo sahali jolma naposo dope hami naporlu marsiajar, alani i molo adong nahumurang marsiajaran hita, tinait nasa lili mangihut nasa gordang, hata nauli ima roha nasonang.

SINAMOT hubagi hami ma tu tolu tingki:

Money91. Jaman HARAJAON (sebelum ro Bolanda)

Najoloi targoar do sude halak batak angka raja, ido umbahen sahat tu nuaeng tarjau hita angka pinompar ni raja. Goarna do daina, ima antong taringot tu angka namasa ditingki i, molo targoar raja, sudema antong pangaloho dohot pambahenanpe ingkon do raja. Nang tu na marhata pardongan parsaripeonpe antong ingkonma songon raja. Ido molo masa diangka pinompar ni raja na naeng marbogas, dinaung diririt sada boru ni raja somalna do mangalehon silehon-lehon naboi pasonang roha ni raja asa dilehon borunai. Silehon-lehon on pe dang holan palas rohani rajai, tong do na laho patuduhon harajaon ni si pangalehoni, lam raja iba, silehon-lehon pe ingkon ma antong na gabe pasangaphon iba, ima asa adong pandohan: sangap do mangalap sangap.

Jadi sinamot i pe patuduhon sangap ni boru ni rajai dohot sangap ni anak ni rajaido.

2. Jaman BOLANDA tu saonari

Dung masukma si bontar mata bolanda si sandapi, parohaon ni halak batak na tulus mar rohai gabe maruba, sian on do mula ni Hamoraon, Hasangapon, dohot Hagabeon insarani hata nuaeng gabe materialistis. Molo harajaoni dang adongbe gantini i ima hamoraon, patanda sangap dohot gabe sude diungkur dohot hepeng asa targoar na tolu ondeng. Ido molo masa panghataion taringot tu sinamot gabe sudema dipadomu-domu asa anggiat lam balga sinamot ni boru ni “rajai”.

Money13Ido asa adong pandohan: amporik habang dohot amporik lali habang dohot lali, hansit mandundung nasu tordundung boto be ma lungunna. Nang di paradaton pe, tong do mangihut tu tingkina, diangka na tuk patupa sinamot nabalga dipatupe be do, natuk patupa na gelleng pe margoar adatdo. Nang diangka halak naso boi dope manggarar adatna (termasuk sinamot) dijalo natua-tua do jadi tung mansai namalo do ianggo angka ompungta sijolo-jolo tubi.

Udut tusi muse, ianggo najolo, dang ganjang dope huta sidalanon ni jolma ido asa liat-liat disi do anggo pangolian ni halak batak, jala diparsinta do asa mambuat boru ni halak hita asa unang pola mambuat roha jala dang maol ajaron taringot tu ruhut-ruhut ni paradaton, ido umbahen dang pola adong penyimpangan ni adati.

Alai nuaeng di hamajuon ni jaman, dohot di parserahan ni halak batak, boido pajumpa angka rongkap ni naposo sian luat nadao tu luat nadao. Ido molo masa panghataion taringot tu sinamot, dang songon si parjolo be sangap mangalap sangap, alai gabe rap patupahonma asa denggan ulaoni, sai gabema angka ianakhonta on, Jadi sinamot ni borui tong do pangkeon tu ruhut-ruhut ni ulaoni. Tamba ni i muse, marrongkap jala gabe do iangka anak dohot boruni halak batak na mangoli jala muli tu halak na asing, molo dung songon on dang boibe pangkeon holan adat ni batak, alai sai siholdo rohani halak batak namaranak dohot marboru namangoli/muli tu halak na asing patupahon dibagas adat batak. On pe dohot do patamba hamoraon ni ruhut-ruhut ni paradaton dihita halak batak.Money10

3. Jaman HDUAN (dang binoto andigan)

Di jaman saonari, ra godang do hita mandok ingkon ta padalan do adat bataki jala ta tonahon tu angka pomparanta, alai porseama hita, adat i mangolu hombar tu tingkina do, alani i ra haduan marhata sinamot pangke “telekonferense” nama, dang hundul di lage tiar be, dang sai ingkon laho be marhori-hori dinding.

Songoni majolo songon mananggapi taringot tu “sinamot” sian ahu.

Comments
  1. […] BATAK GAUL & BG-CHAT at yahoogroups dot com Sinamot Masa Dulu, Sekarang dan Akan Datang batakgaulNYABANG yuuukss… – Jum’at / 10 Juli 2009 dianasihotang3-Kenapa Cowok Batak Dibilang […]

  2. […] MILIST BATAK GAUL & BG-CHAT at yahoogroups dot com Turis Eropa Tak Batalkan KedatanganBeruang Dilaporkan Masuk KampungRungkung, Ulu, dan MongkusButuh 100 Juta Untuk Melamar Boru Batak di Ibukota JakartaSinamot Masa Dulu, Sekarang dan Akan Datang […]

  3. […] jika suatu saat nanti kejadian terulang terhadap anak Bapak, apakah mau menerima sinamot hanya Rp. […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s